ग्रामपंचायत अंगणगाव, येवला

सर्व नागरिकांना विनंती आहे कि जन्म, मृत्यू व विवाह नोंद वेळे वरती करावे |

ग्रामपंचायत ची मासिक सभा दिनांक रोजी वार रोजी ठिकाण ग्रामपंचायत कार्यालय अंगणगाव येथे होहील. |

नागरिकांना आव्हान आहे की कर भरणा वेळेवर करा व आपल्या ग्रामपंचायत ला सहकार्य करा - कर भरण्या साठी येथे क्लिक करा... |

आमची यशोगाथा

अंगणगाव – निसर्गाच्या कुशीतलं एक जिवंत चित्र

नाशिक-येवला राज्य मार्गाच्या गडद रेषेपासून थोडं पूर्वेकडे वळलं, की तिथं साक्षात निसर्गाचं एक अव्यक्त सुंदर रुप भेटतं ,अंगणगाव गाव. सुमारे ४०९ लोकवस्तीचं हे गाव नदीच्या काठावर निवांतपणे विसावलेलं आहे. गावाचं स्वरूप लहान, पण त्याची ओळख मोठी इथली माणसं, संस्कृती, निसर्ग, सृष्टी आणि श्रम यांचं एक अनोखं संमीलन इथे दिसतं.

धार्मिक आणि सांस्कृतिक ओळख
अंगणगाव ची एक खासियत म्हणजे एकच ग्रामदैवताचं मंदिर, पण त्यात आहेत दोन मूर्ती गणपती बाप्पा व ग्रामदेवता हनुमान ही दोन मूर्ती केवळ धर्माच्या नाहीत, तर सामाजिक समभावाच्या प्रतीक आहेत.
इथे दोनच मोठे समाज मराठा, पण दोघेही गुण्यागोविंदानं, आपुलकीनं, एका छताखाली नांदतात. गावात वादाच्या नाही, तर एकोप्याच्या गोष्टी ऐकायला मिळतात.

उत्पन्नाचे स्रोत: श्रमशीलतेचं गाव

गावकऱ्यांची मुख्य जीवनरेखा म्हणजे शेती आणि मोलमजुरी.
गावाचा पश्चिम भाग म्हणजे एक बागायती शेताचं स्वप्न,वाघाड कालव्य मुळे इथे शेती भरभराटीला आली आहे. द्राक्ष,भाजीपाला ,कांदा,वेलवर्गीय पिकं, यासारख्या पिकांची हिरवळ नजरेत भरते.तर गावाचा पूर्व भाग मात्र वेगळ्या वाटेवर ,तिथं औद्योगिक वसाहत उभी राहत आहे. ही नवी दिशा गावाच्या भविष्याला नवी पहाट देणारी आहे. रोजंदारी, लघुउद्योग, प्रशिक्षण केंद्रं अशी काही स्वप्नं तिथं मूळ धरू लागली आहेत.

प्रगतीच्या वाटेवर- अंगणगाव

औद्योगिकीकरण येतंय, पण परंपरा जपली जातेय. इथं मातीचा गंध आहे, पण त्यात यंत्रांचं सूर मिसळू लागलाय. इथं देवळात दोन मूर्ती आहेत, पण गावाच्या हृदयात एकच माणुसकी आहे. अंगणगाव चे नाव मोठ्या नकाशावर असो वा नसो, पण एक-ना एक दिवस नक्कीच गाव नावा रूपास आणण्याची ग्रामपंचायतचे उत्साही सरपंच,उपसरपंच,ग्रा.प अधिकारी व सदस्य मंडळ व ग्रामस्थ खुणगाठ मनाशी बाळगून असल्याचे दिसून येत आहे . नदी गावाच्या पायथ्याशी वाहते,तर मोती नाला गावाला वळसाघालून सौदर्यात भर घालतो, कधी शांत, कधी खळखळाट करणारे नदी-नाले पावसाळ्यात ही गावाच्या साक्षीने नाचते, इथली माती म्हणजे गावकऱ्यांचं गर्भसंपन्न बँक खाते. त्यात मोलमजुरीचा घाम, शेतीचा कष्ट आणि भविष्याचं रोपटं रुजवलेलं आहे. आणि हे सगळं सांभाळणारे माणसं प्रेमळ, सहकार्यशील आणि जिद्दी.तसेच गावाच्या पूर्व भागात मोठ्या प्रमाणात औद्योगिक वसायाती. गावाच्या पूर्व भागात असलेल येवला तालुका जे की सात समुद्र पैठणी साठी जग प्रसिद्द असणारे येवला शहराचे अंगणगाव जणू की अंगणच आहे.